Ikkje alle har nokon å dele dei innerste tankane sine med, men du kan alltid skrive dei ned. Ein hemmelegheit er ein fin motor å bruke til å skrive ei tekst. Ingen treng å vite at du føler akkurat det same som hovudpersonen.
Gjennom enkle skriveoppgåver som alle kan delta i, jobbar vi oss trinnvis fram til ein dialog vi skriv saman på tavla. Til slutt får to og to elevar skrive ei tekst saman, som dei framfører for resten av klassa.
Målsetting: Å skape leselyst og vise at det å skrive ikkje er så skummelt.
Forfattaren har lang erfaring med skriveverkstad for mellomtrinnet og ungdomskulen, og opplever at elevar som i utgangspunktet gruer seg til å skrive, synes dette er gøy og gjerne vil delta på sin måte. Nokre er raske på å få idear, andre på å skrive og så er det dei som glitrar med gode replikkar i dialogen eller er stjerner ved framføringa.
Passar for dei på mellomtrinnet
Lengde - Frå 45 min. til 135 min.
Den første delen av framsyninga er utforma ved DKS Littlab 2025.
Ingunn Røyset har bachelor i sosialt arbeid og er utdanna innan kunsthistorie, men har jobba som journalist, stylist og budeie. Denne mangslungne bakgrunnen er grunnlaget for forfatterskapen til barne- og ungdomsbokforfattaren, som debuterte i 2012 med biletboka Prins Storm. Ingunn er mest kjend for bøkene om andre verdskrigen. I to romanar og ei sakprosabok tek ho for seg korleis det er for barn og unge å leve i krig. I romanen Perfekt (2022) er tema psykisk helse. Boka for mellomtrinnet har fokus på angst og korleis takle det å vere redd.
Ingunn bur på Flø, heilt ute i havgapet, i Møre og Romsdal.
