1. Klikk på «Mine sider» i hovudmenyen her på forfattersentrum.no. På mobil ligg «Mine sider» under oversikta «For forfattarar». Du kan også gå direkte til portal.forfattersentrum.no.
2. Klikk på knappen «Opprett ny brukar».
3. Fyll inn e-postadresse og ønska passord.
   Her er det veldig viktig at du bruker e-postadressa som er registrert hos oss. Alle andre e-postadresser vil bli nekta tilgang. Er du usikker på kva adresse vi har registrert på deg, kan du gå inn på forfattarsida di i Forfattarkatalogen og sende deg sjølv ein e-post. E-posten kontaktskjemaet blir sendt til, er den du skal bruke når du registrerer deg på «Mine sider». Forfattarkatalogen finn du her.
4. Trykk på knappen «Opprett brukar». Sjekk e-posten din: Du får nå tilsendt ein e-post der du blir bede om å stadfeste at det er du som har prøvd å opprette ein brukar. Sjekk eventuelt søppelpost/spam-filteret dersom du ikkje får e-posten. E-posten kjem frå adressa noreply@pointersys.no og har emnet «Bekreft e-postadressen din».
5. Trykk på stadfestingslenka i e-posten.
   Får du beskjed om at e-postadressa ikkje finst i systemet, kontaktar du oss på e-postadressa norsk@forfattersentrum.no, slik at vi kan finne ut kva som luggar.
6. Når du har stadfesta e-postadressa di ved å trykke på lenka i e-posten, kan du logge inn på «Mine sider» med passordet du nettopp valde deg.

Tilbod om nye oppdrag ligg i seksjonen «Mine bestillingar» under fana «Pågåande». Ofte vil oppdraget allereie vere avtalt med oppdragsgivar, og det er då berre å akspetere oppdraget.

I dette tilfelle har forfattaren eitt oppdrag som må aksepterast:

‍

1. Trykk på den svarte knappen «Sjekk oppdrag» for å få opp dette skjermbildet der du kan akseptere eller avslå oppdraget:

2. Når du har akseptert (eller avslått) oppdraget, trykker du på den svarte «SEND»-knappen. Er oppdraget akspetert, vil du få ein pakkseddel/oppdragsskjema på e-post som liknar på dei du er van med:

‍

‍

Ferdigmeldingsprosessen er ny. I staden for å sende pakkseddelen/oppdragsskjemaet til utbetaling@forfattersentrum.no når eit oppdrag er utført, loggar du inn på «Mine sider», og følgjer oppskrifta under. Du får ikkje tilgang til å ferdigmelde eit oppdrag før oppdraget er utført.

1. Når du er ferdig med eit oppdrag: Logg inn på «Mine sider» og trykk på fana «Klar til ferdigmelding» under «Mine bestillingar».

I dette tilfelle har forfattaren eitt oppdrag klart til ferdigmelding.

2. Trykk på den svarte knappen «Ferdigmeld» for å få opp dette skjemaet:

3. Trykk «Neste», og fyll inn utlegg etter rekning dersom du har det. Skriv forklaring, fyll inn sum og last opp vedlegg ved å trykke på det kvite plussteiknet i det svarte feltet etter «Last opp bilag:»

4. På neste side fyller du inn evt. diett dersom du skal ha det. Start med å trykke på av/på-knappen "Legg til diett". Skal du ikkje ha diett, trykker du på den svarte "Neste"-knappen.

‍

Når du har trykka på "Legg til diett", får du opp skjermbildet under. Start med å legg inn perioden du skal ha diett for. Frå dato, og til dato. Avslutt med å trykke "Legg til periode":

‍

I dette oppdraget startar diettperioden klokka 8:00 1. april, og forfattaren har fått overatting, men ingen måltid på avreise dagen:

‍

Vi treng informasjon om alle dagane du skal ha diett for. Fekk du f.eks. overnatting? Fekk du frukost, lunsj og/eller middag? Kryss av det som passar. På første diettdag, fyller du også inn tidspunktet du reiste heimefrå.

Du må trykke på den grøne "Lagre"-knappen for kvar diettdag du har fyllt ut.

Diettperioden varar i dette eksempelet til 3. april klokka 23:00. På avreisedagen har forfattaren naturlegvis ikkje overnatting til neste dag, men har fått frukost og lunsj:

‍

Avslutt diettregistreringa ved å lagre siste diettdag, og trykk på "Neste"-knappen.

5. Til slutt legg du til evt. utgifter til køyring: Evt. bompengar, kilometergodtgjering og informasjon om evt. passasjerar du også skal ha godtgjering for:

6. Avslutt med å trykke "Neste" og så "Ferdigmeld" dersom den samla oversikten ser grei ut:

‍

Alle fullførte og ferdigmeldte oppdrag, finn du i fana "Arkiv":

Ferdigmelder du på mobil, kan det vere lurt å ta bilde av kviteringar og andre bilag før du loggar inn på «Mine sider». Du vil då enkelt kunne laste opp kviteringar frå kamerarullen din når du skal ferdigmelde eit oppdrag.

Når eit honorar er utbetalt vil du finne utbetalingsslippen din her: https://home.visma.com/home.

Det er også mogleg å laste ned Visma-appen Employee frå app-butikken på mobilen din.

Første gong må du lage ein brukar. For at dei ulike systema skal snakke saman, bruker du samme e-postadresse som på «Mine sider» her på forfattersentrum.no.

Er det lenge sidan du har logga inn og du har gløymt brukarnamnet ditt, er det altså e-postadressa du har registrert hos Norsk Forfattersentrum.

Har du gløymt passordet, legg du inn e-postadressa og trykker «Glemt passord».