Hausten 2019 gav Anders Totland ut biletboka Ut i rommet, som ved første augesyn handlar om Alva som drøymer om å reisa til månen. Men minst like mykje handlar boka om mennesket sin kamp om å erobra verdsrommet. Det handlar om kappløp og dyr, om berømte frasar og gløymde heltar. Det heile blir med som eit bakteppe i denne økta, der forfattaren prøver å få elevane med på både tankesprang og meir nøkterne refleksjonar rundt mennesket si ferd ut i det uendelege verdsrommet.
Ei reise ut i verdsrommet.
Tenk at det faktisk har vore nokon på månen! Alva drøymer også om å reise ut i rommet. Men må ho vente heilt til ho blir stor?
«Ut i rommet» er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.
I tillegg til historia om Apollo 11 si ferd til månen, er Ut i rommet proppfull av spennande fakta om verdsrommet.
Anders Totland er utdanna kokk og samfunnsvitar, jobbar som journalist og organist, og held også føredrag om matauk. Han debuterte med barneboka Vampyrane i Eplehagen hausten 2015, og våren 2016 kom ungdomsboka Engel i snøen ut. Boka er så langt selt til Danmark, og Foreningen !les har brukt utdrag av boka både i årets txt-aksjon, Panser, og i neste års Tid for ti-kampanje. Når han ikkje jobbar, kokar han kaffi i skogen og fortel skrøner til ungane.
Målgruppe
1.-4. trinn
Produsent
Anders Totland
Arena
Klasserom / grupperom / sal
Teknisk krav
Mikrofon
Programlengde
45 minutter. Maks tre forestillinger pr. dag.
Elever
100 per forestilling
Opprigg / nedrigg
5 minutter
Pris DKS
Rammeavtalen med fylkesnettverket
Foto kan benyttes til promotering av forestillingen. Fotograf skal krediteres.
totlanders@gmail.com
