Lea Norsk Forfattersentrum miellahttu Ánne Márjá Guttorm Graven gii lea jorgalan siidduid. Graven lea ieš almmuhan diktačoakkáldaga, Suorbmageažis (Gollegiella, 2019), ja jorgalan dárogielat čálliid nu mo Jørn Lier Horst ja Camilla Kuhn davvisámegillii.
Norsk Forfattersentrum beaivválaš jođiheaddji, Ingvild Christine Herzog, lea ilus go deháleamos bissovaš siiddut forfattersentrum.no:s dál maiddái gávdnojit davvisámegillii:
– Lei duođaid áigi ahte dagaimet dán, ja lea okta dain vuosttaš áššiin mainna mii bargagođiimet go čielggai ahte Norsk Forfattersentrum:i juolluduvvo eanet stáhtadoarjja. Ulbmilin lea dieđusge ahte dá dušše lea vuosttaš lávki fállat vel buoret bálvalusaid min miellahtuide ja barggaheddjiide geat lohket ja čállet davvisámegiela. Mii leat maid ilus go mis lei miellahttu gii sáhtii dán bargogohččuma čađahit!
Dáppe gávnnat siidduid mat leat jorgaluvvon:
