Norsk Forfattersentrum fuolaha ahte miellahtut ožžot honorára bargguid ovddas mat gaskkustuvvojit min bokte.

Máksomearit mat leat min neahttasiidduin leat bagadalli vuolimus máksomearit iešguđetlágan bargguide. Miellahtuin lea friddjavuohta bivdit stuorát honorára go vuolimus máksomeriid – ja sáddet rehkega barggu ovddas min bokte. Mii eat gaskkus bargogohččumiid maid honorára lea unnit vuolimus máksomeriid.

Buot miellahtut addet 1,5 % iežaset honoráras Norsk Forfattersentrum miellahttofondii ja 1 % hálddahussii. Sihke barggaheaddjit ja miellahtut sáhttet ohcat doarjaga miellahttofoanddas lágidemiide ja eará áššiide masa miellahtut servet. Loga eanet miellahttofoandda birra.

Čállit sáhttet ohcat šaddat miellahttun Norsk Forfattersentrum:s. Miellahttodiva lea 400 ruvnnu jahkái (250 ruvnnu jahkái studeanttaide) 2025 rájes.

Ohcanskovvi sáhttá sáddejuvvot dutnje poastta mielde dahje e-poastan. Sádde e-poastta dahje dábálaš reive namain ja čujuhusain.

Norsk Forfattersentrum njuolggadusain

§ 2 Miellahttuvuohta

Čállit dahje jorgaleaddjit geat leat almmuhan dahje geain almmolaččat lea ilbman unnimus okta girjjálaš buvtta, ieža dahje ovttadássásaš ovttasbargguin eará čálliin dahje jorgaleaddjin, sáhttet ohcama vuođul šaddat miellahttun Norsk Forfattersentrum:s. Buktagiin galget leat kvaliteahtat gielalaččat, girjjálaččat, ja sisdoalu ja gaskkusteami dáfus. Stivra mearrida miellahttoohcamiid.

Čuovvovaš áššeprosakategoriijat eai sáhte geavahuvvot vuođđun miellahttuvuhtii: a) astoáigedoaibmagirjjit, cuvccasgirjjit, jearaldatgirjjit, giehtagirjjit, mátkkoštanofelaččat dahje eará geavahusprosa girjjit b) diehtoohcangirji, leksikála girjjit ja referánsagirjjit c) jahkegirjjit, báikkálaš historjjálaš jahkegirjjit dahje eará girjjit mat leat čállojuvvon báikkálaš lohkkiide d) skuvla- ja oahppogirjjit  e) dieđalaš dutkosat, dutkanraporttat ja čielggadusat f) profešuvdnagirjjit dahje girjjit mat leat jurddašuvvon dihto surggiide.

Miellahtuin ferte leat dáhttu doaibmat aktiivvalaččat Norsk Forfattersentrum ulbmila mielde ja máksit jahkásaš divvaga man jahkečoahkkin bidjá. Miellahtut geat – vaikke vel leatge hobehanreive ožžon – eai mávsse divvaga man leat velggolaš mannan jagi ovddas, masset iežaset miellahttuvuođa Norsk Forfattersentrum:s.

Stivra mearrida miellahttoohcamiid. Jus lea dárbu de nammada stivra lávdegotti mii gieđahallá ohcamiid. Jahkečoahkkin sáhttá rievdadit stivrra mearrádusa dábálaš eanetloguin.

Oaguhuvvon čállit Norggas eai dárbbaš bidjat mielddusin girjjálaš buktaga árvvoštallamii vai sáhttet šaddat miellahttun Norsk Forfattersentrum:s.

Miellahttoohcan

Mii oažžut ollu miellahttoohcamiid ja fuomášuhttit ahte ohccit geaid girjjit leat dohkkehuvvon Kulturráđi oastinortnegii dohkkehuvvojit miellahttun. Jus girji ii leat leamaš dieđihuvvon dasa, dahje hilgojuvvon, de mii bivdit ovtta gáhppálaga girjjis ja cealkámuša doaimmaheaddjis dahje girjjálaš konsuleanttas mas Norsk Forfattersentrum miellahttoparagráfa lea vuolggasadjin.