Ođđa honorára máksomearit mat gustojit borgemánu 1. b. 2024 rájes.

Rámmašiehtadus lihtoduvvui diibmá guovtti jahkái, áigodahkii 1.8.2023-31.7.2025. Dáid šiehtadallamiin lihtodeigga KS ja Creo ahte honorára máksomearit regulerejuvvojit 1.8.2024 meroštallojuvvon 2024 frontafágarámma vuođul.

Máksomearit leat danne lassánan 5,2 proseanttain. 1.8.2024 rájes gustojit čuovvovaš honorára máksomearit:

• Honorára gaskkustanbeivviid ovddas, unnimusat 5 913-, ruvnnu vrd. č. 4 rámmašiehtadusas.

• Honorára čoahkkimiid ja ovdabarggu/ovdabuvttadeami ovddas šihttojuvvon barggaheddjiin, 823 ruvnnu vrd. č. 6 rámmašiehtadusas.

Loga A-johtočállosa 1/2023 (pdf) oažžun dihte eanet dieđuid. Šiehtadusteaksta lea johtočállosis, muhto sáhttá maid lohkkot dás (pdf).

Ođđa honorára máksomearit mat gustojit suoidnemánu 31. b. 2024 rádjai

• Honorára gaskkustanbeivviid ovddas, unnimusat 5 620,- ruvnnu vrd. č. 4 rámmašiehtadusas.

• Honorára čoahkkimiid ja ovdabarggu/ovdabuvttadeami ovddas šihttojuvvon barggaheddjiin, unnimusat 782 ruvnnu vrd. č. 6 rámmašiehtadusas.

KS ja Creo leaba ovttaoaivilis ahte dát máksomearit regulerejuvvojit 1.8.2024 meroštallojuvvon 2024 frontafágarámma vuođul.

Loga A-johtočállosa 1/2023 (pdf) oažžun dihte eanet dieđuid.

Šiehtadusteaksta lea johtočállosis, muhto sáhttá maid lohkkot dás (pdf).

Ovdanbuktin/teaksta- ja illustrašuvdnageavaheapmi Kultuvrralaš skuvlalávkkas (DKS).

2023 rájes galgá Kopinor, šiehtadusa mielde, máksit buhtadasa, go iežas dahje earáid vuoigŋaduodji geavahuvvo, sihke teaksta ja illustrašuvdna. Lea dehálaš ahte registrerebehtet go dahkkivuoigatvuođalaš ávdnasat geavahuvvojit.

Lea maiddái hui dehálaš diehtit ahte šiehtadus lea dahkkon du ovddas čállin (dahje illustrerejeaddjin) ja dat addá juohkehažžii lobi geavahit du teavstta dahje illustrašuvnna DKS:s, buhtadasa ovddas, nu guhká go geavaheapmi lea dieđihuvvon Kulturtanken:i portála bokte. Šiehtadusa leat dahkan dahkkiorganisašuvnnat oktan oassebeallin, Kopinor ovddasteaddjin; ja Kulturtanken nubbin oassebeallin, DKS ovddas.

Šiehtadusa gávnnat dáppe: Soahpamuš dahkkivuoigatvuođalaš materiála geavaheami birra Kultuvrralaš skuvlalávkkas - Kopinor

Maŋideamit ja šluhttemat

Mii ávžžuhat Vikena fylkkagieldda čuoggá šiehtadusas mii guoská maŋideapmái ja šluhttemiidda gildosiid dihte dahje ávžžuhusaid ahte ii galgga lágidit kultuvrralaš lágidemiid.

Jus ii sáhte ollislaččat dahje muhtun muddui čađahit turnea báikkálaš dahje nationála eiseválddiid doaibmabijuid dahje ávžžuhusaid geažil, njoammuma eastadeami dahje eará dearvvašvuođa sivaid vuođul, de lea sus guhte galggai bargat barggu vuoigatvuohta maŋidit.

Jus báikkálaš dahje nationála eiseválddit gildet kulturdoaluid čađaheamis, ja sohppojuvvon turnea dan dihte ferte šluhttejuvvot, de lea sus guhte galggai bargat barggu vuoigatvuohta čuovvovaš áššiide:

• 25% šihttojuvvon honoráras jus šluhttejuvvo unnit go 3 mánu ovdal vuosttaš gaskkustanbeaivvi

• 50% šihttojuvvon honoráras jus šluhttejuvvo unnit go 2 mánu ovdal vuosttaš gaskkustanbeaivvi

• 100% šihttojuvvon honoráras jus šluhttejuvvo unnit go 1 mánu ovdal vuosttaš gaskkustanbeaivvi

Dat seamma guoská jus barggaheaddji vállje šluhttet go báikkálaš dahje nationála eiseválddit ávžžuhit ahte kulturdoalut eai lágiduvvo, njoammuma eastadeami dahje eará dearvvašvuođa sivaid vuođul.

Go šluhttejuvvo eanet go 3 mánu ovdal vuosttaš gaskkustanbeaivvi, de ii máksojuvvo honorára.

Jus son guhte galgá bargat barggu geassáda iežas šihttojuvvon geatnegasvuođain, báikkálaš dahje nationála eiseválddiid ávžžuhusaid geažil, de ii leat sus riekti honorárii.

Bargit, geat leat riskajoavkkuin Álbmotdearvvašvuođainstituhta definišuvnnaid mielde, leat geatnegahtton muitalit dán barggaheaddjái ovdal šiehtadus dahkkojuvvo, jus dát sáhttá váikkuhit vejolašvuhtii čađahit šiehtadusa sisdoalu.

Golut mat leat čoggon bargái gokčojuvvojit. Goappašiid beliin lea dábálaš geatnegasvuohta ráddjet ruđalaš vahága.

Jus šluhtte gildosa, dahje ávžžuhusa geažil šluhttet kultuvrralaš doaluid, de galgá son guhte šluhtte dakkaviđe addit dieđu nuppi oassebeallái.

DKS rámmašiehtadus ja šiehtadallanbeavdegirji gustojeaddji 01.08.2019 rájes.

Musihka geavaheapmi girjjálaš buvttademiin

TONO lea čoahkkimis skábmamánu 1. b. 2015 mearridan čuovvovaš máksomeriid "mekánalaš musihka" (ii live-ovdanbuktimiid) geavaheapmái gaskaoapmin girjjálaš buvttademiin Kultuvrralaš skuvlalávkkas (DKS).

• Go "mekánalaš musihkka" geavahuvvo gaskaoapmin girjjálaš buvttademiin de galgá máksojuvvot 100 ruvnnu honoráran juohke háve go geavahuvvo, beroškeahttá man ollu musihkka lea buvttadeamis. Nuppiin sániin; golmma čájáhusain beaivái lea haddi 300 ru.

• Haddi guoská dušše dán buvttadantiipii, ja dušše Kultuvrralaš skuvlalávkii DKS.  Dat ii guoskka earálágan buvttademiide DKS:s, iige girjjálaš buvttademiide mat eai gula DKS:i.

• Sáhttá dieđihit buvttademiid čujuhussii marked@tono.no

Jus dát honorárat galget máksojuvvot čuojahanruđaiguin vai galget go váldojuvvot fylkkaid (gielddaid) iežaset bušeahtain sáhttá rievddadit, eatge mii dovdda justa dáid detáljaid.

Lea maiddái dehálaš muitit ahte gáibiduvvojit sierra lobit nu gohčoduvvon "jietnagiddemii" (jiena ja gova synkroniseret). Dát lisensierejuvvo NCB bokte  http://www.ncb.dk/no/