Trykk “Godkjenn informasjonskapslar” for å godkjenne at forfattersentrum.no lagrar informasjonskapslar på maskina di. Trykk "Val" for å lese meir om og slå av og på informasjonskapslar. Les meir om Forfattersentrum og personvern her!
Čuovvovaš áššit lea fásta eaktun šiehtadusain mat dahkkojuvvojit gaskal Norsk Forfattersentrum ja čálli, ja gaskal Norsk Forfattersentrum ja barggaheaddji.
• Go šiehtadus lea dahkkon, de dieđihuvvo bargogohččun Norsk Forfattersentrum:i dieđuiguin honoráramávssu birra, goas bargu galgá dahkkot ja dieđuiguin rehketčujuhusa birra. Barggaheaddjái sáddejuvvo diŋgonduođaštus mii duođašta šiehtadusa sisdoalu.
• Šiehtadus geatnegahttá goappašiid oassebeliid.
• Jus lea guovtteoaivilvuohta honorára mávssu dahje eará áššiid birra šiehtadusas de ferte dan dieđihit Norsk Forfattersentrum:i nu johtilit go vejolaš, ja ovdal bargu galgá dahkkot.
• Norsk Forfattersentrum gaskkustandoaibma lea nuvttá. Norsk Forfattersentrum sáhttá dattege rehkenastit gaskkustandivvaga registreret bargogohččumiid mat eai gula DKS:i, go barggu čađaheaddji ii leat miellahttun.
• Norsk Forfattersentrum:s ii leat ovddasvástádus jus čálli rihkku šiehtadusa.
• Jus čálli ii boađe, dahje dohkálaš ákka haga cealká ahte i boađe, de galgá Norsk Forfattersentrum nu johtilit go vejolaš geahččalit háhkat muhtin eará su sadjái.
• Go šiehtadus lea dahkkon ja dieđihuvvon Norsk Forfattersentrum:i, de oažžu čálli bargogohččunskovi mas čuožžu makkár barggus lea sáhka, dáhton ja šihttojuvvon honorára.
• Šiehtadus geatnegahttá goappašiid oassebeliid.
• Norsk Forfattersentrum máksá honorára ja goluidbuhtadusa go bargogohččunskovvi lea devdojuvvon, vuolláičállon ja sáddejuvvon ruovttoluotta, vejolaš mildosiiguin. Skovvi galgá sáddejuvvot ruovttoluotta nu johtilit go vejolaš ja maŋimustá 30 beaivvi maŋŋá go bargu lea dahkkojuvvon. Dát sáhttá dahkkot elektrovnnalaččat.
• Honoráras gesso gaskkustandiva, dán áiggi dat lea 2,5 %. Dás manná 1 % hálddahussii ja 1,5 % Norsk Forfattersentrum miellahttofondii.
• Honoráras gesso ovdavearru. Dát dieđihuvvo sisaboahtun ealáhusas.
• Čállái sáddejuvvo máksinlihppu loahpparehkega oktavuođas ja ovttastahttindieđáhus (ovdal gohčoduvvui bálká- ja vearrogeassinbábirin) jahkásaččat.
• Čálli lea geatnegahtton addit dieđu jus lea boasttuvuohta bargogohččunskovis dahje olggosmáksimis. Jus olggosmáksojuvvo menddo ollu honorára, de dat galgá máksojuvvot ruovttoluotta Norsk Forfattersentrum:i.
Mátki ja idjadeapmi
• Máksojuvvo biebmomáksu stáhta máksomeriid mielde go lea ruovttus eret. Go muhtin eará go čálli gokčá ovttaskas borramiid, de galgá borran gessot biebmomávssus.
• Go iežas biila galgá geavahuvvot, de galgá dát šihttojuvvot barggaheddjiin ovddalgihtii. Jus eará ii leat šihttojuvvon, de rehkenasto goluidbuhtadus hálbbimus mátkkoštanvuohkái.
• Čálli ferte ieš háhkat mátkke- ja biiladáhkádusa.
Ovdamáksu
• Go bargogohččun lea registrerejuvvon ja bargogohččunskovvi lea vuostáiváldon, sáhttá čálli bivdit Norsk Forfattersentrum máksit ovdamávssu eanemusat beali honoráras, muhto ii ovdal go leat unnimusat 3 mánu dassážii go bargu galgá dahkkot.
