Lukk søk
Digitála unnimus máksomearit
Buot bargogohččumat mat gullet daid definerejuvvon bargogohččumiid vuollái galget honorerejuvvot. Gávnnahan dihte rivttes máksomeari de galgá bargogohččuntiipa ja rávdnjenvuohki leat vuolggasadjin. Álkes jearahallamat eai gula bargotiippaide, ja daid ii leat dárbu honoreret.
Rávdnjenvuohki ja vuolimusmáksomearri
Njuolggorávdnjen: vuolimus máksomearri bargotiippa ovddas
Fysalaš lágidemiid njuolggorávdnjen priváhta ruovttuide galgá unnimusat honorerejuvvot bargotiippa vuolimus máksomeriin.
Njuolggorávdnjen máŋgga arenai, bargotiippa unnimus máksomearri + 50 % + 10 % lassimáksu juohke arena ovddas
Njuolggorávdnjen eará čájáhusarenaide (ovdamearkka dihte girjjálašviesuide, girjerádjosiidda, festiválaide jna.) galgá unnimusat honorerejuvvot bargotiippa vuolimus máksomeriin + 50 % rávdnjema ovddas, ja dasa lassin vel 10 % juohke arena ovddas gos rávdnjejuvvo.
Spiehkastat – geahččaladdanortnet mii bistá dáhtonii 31.12.23: Smávva girjerádjosat sáhttet rávdnjet mávssekeahttá 10% lassimávssu. Mii defineret smávva girjerájusin daid girjerádjosiid mat leat suohkaniin gos leat oktiibuot vihtta girjerájusbargi dahje unnánat.
Ovdamearka 1: Jus lágideapmi rávdnjejuvvo ovtta girjerádjosis nubbái, de galgá dat unnimusat honorerejuvvot bargotiippa vuolimus máksomeriin + 50 % + 10 % (nuppiin sániin, vuolimus máksomearri x 1,60).
Ovdamearka 2: Jus lágideapmi rávdnjejuvvo ovtta girjerádjosis golmma eará girjerádjosii, de galgá dat unnimusat honorerejuvvot bargotiippa vuolimus máksomeriin + 50 % + 30 % (nuppiin sániin, vuolimus máksomearri x 1,80).
Norsk Forfattersentrum sáhttá sáddet olles rehkega váldolágideaddjái dahje oasserehkega juohke čájáhusarenai.
Jus bádden galgá čájehuvvot sierra lágideapmin maŋit áiggis, de galgá dát čielggaduvvot ja honorerejuvvot ođđasit.
Bádden: vuolimus máksomearri bargogohččuntiipii + 50 %
Go fysalaš lágideapmi báddejuvvo ja lea oaidnin láhkai neahtas guhkit go njuolggorávdnjejuvvon sátta, de galgá bargu honorerejuvvot unnimusat bargotiippa unnimus máksomeriin + 50 %.
Podkásta ja video, vuolimus máksomearri bargogohččuntiipii
Podkásttat ja videot mat leat ráhkaduvvon erenoamážit almmuhuvvot nehttii ja mas eai leat guldaleaddjit lanjas, galget unnimusat honorerejuvvot bargotiippa vuolimus máksomeriin. Fysalaš lágidemiid main ráhkaduvvo podkásta galgá unnimusat honoreret bargotiippa vuolimus máksomeriin + 50 %. Jus podkásta ruhtaduvvo máidnosiid bokte, de galgá dát muitaluvvot čállái go šiehtadus dahkko. Jus podkásta juogaduvvo ođđasit, de galgá barggaheaddji ođđasit šiehtadallat honorára čálliin. NRK:s leat sierra máksomearit.
Skuvlabuvttadeamit šiehtadusa vuođul
Digitála skuvlabuvttademiide mat leat ráhkaduvvon erenoamážit almmuhuvvot nehttii ja mas eai leat guldaleaddjit lanjas, ferte honorára čielggaduvvot juohke ovttaskas áššis.
Čielggadeamit ja eavttut
Digitála lágidemiid ja buvttademiid oktavuođas galget čuovvovaš áššit čielggaduvvot:
• makkár geavahanvuogádahkii galgá almmuhuvvot (gos fiila lea olámuttos, ovdamearkka dihte barggaheaddji neahttasiiddus, Facebookas, YouTubes, Instagramas, Spotifyas, Soundcloudas ja sullasaš vuogádagain)
• formáhta (ovdamearkka dihte jietnafiila dahje videofiila)
• man guhká bádden galgá leat olámuttos guldaleddjiide
• gii eaiggáda báddema
• gii eaiggáda báddema maŋŋá rávdnjenáigodaga
Eavttut
Čállis lea riekti dohkkehit dahje hilgut ahte prográmmaoassi mas lea mielde báddejuvvo dahje rávdnjejuvvo. Jus čálli dohkkeha ahte báddejuvvo dahje rávdnjejuvvo, de galgá barggaheaddji čielggadit báddema geavaheami ja mávssu dan ovddas go šiehtadus dahkkojuvvo.
Čállis lea álo riekti bivdit váldit eret báddema neahtas. Dán lea GDPR defineren.
Jus bádden dahje sátta juogaduvvo ođđasit, de galgá barggaheaddji ođđasit šiehtadallat honorára čálliin.
Vuoigŋaduodjelága (Lov om opphavsrett til åndsverk mv.) gávnnat dáppe.
