Unni Eikeseth skriv forteljande sakprosa om vitskap. Bøkene hennar gir innsikt i den menneskelege dimensjonen av forsking, og bidrar til større forståing for korleis ny kunnskap blir til og vitskapens tyding for samfunnet. Boka Jakten på stedsansen (2018) fortel historia bak funnet av hjernens GPS, som førte til Nobelprisen i medisin eller fysiologi til May-Britt Moser og Edvard Moser.
Jakten på stedsansen er omsett til tre språk; engelsk, polsk og russisk. Boka blei kortlista til NTNUs litteraturpris 2020 og den polske prisen Madra Ksiazke Roku / "Smart Book Awards" i 2019.
Til dagleg arbeider Eikeseth som førstelektor i naturfag ved Institutt for lærarutanning ved NTNU. Ho har tidlegare arbeidd som programleiar og vitskapsjournalist i NRK og som lektor ved Katedralskolen i Trondheim. 

Eikeseth er ein dyktig formidlar som brenner for å få folk interessert i naturvitskap. Ho held til i Trondheim, men deltar på litteraturfestivalar, i debattar og bokbad landet rundt.

https://no.wikipedia.org/wiki/Unni_Eikeseth
https://skald.no/om/personar/unni-eikeseth/

Eikeseth formidlar gjerne om vitskapsfolk si rolle i våpenproduksjon og i nedrusting, vitskapen bak miljøgifter og korleis dei kan påvirke livet vårt, og historier om banebrytande norske forskaroppdagingar.