Gris er ei korthogd og spel levande bondeforteljing.

På den eine sida av elva bur tomatbonden. Slekta er blitt fordømt og fornedra heilt sidan krigen.

På den andre sida av elva bur storbonden Mauland.

Kona til tomatbonden har kryssa elva og fått barn med storbonden, medan sonen Patrik sit att, i pubertetens sommar.

Ei natt går Patrik over brua og opnar døra til grisehuset.

‍

August og mora flyttar til mora si heimbygd på Vestlandet. Bygda er for tida snudd på hovudet etter ein periode med aukande ungdomskriminalitet. August blir kjend med Per og Oskar, som gradvis dreg han inn i ei verd prega av rus, vald og steling. Men så dukkar Aman opp. Sjølv om han òg gjer ulovlege ting, har han eit større perspektiv på livet enn Per og Oskar.

August må ta eit val om kva slags liv han vil leve vidare. Vil han følgje sporet til Per og Oskar og rømme frå vanskane sine gjennom rusen? Eller klarar han å ta lærdom av kameratar som Aman?

Keisar Augustus handlar om ungdomskriminalitet og påverknad, men også om å ta val og å ta ansvar for livet sitt. For sjølv om ein er i trøbbel, finst det alltid ei moglegheit til å få det betre, også når livet er på sitt mest intense.

‍