Forfattarstudiet og Forfattarsentrum inviterer til opent poetikkseminar med Maria Tryti Vennerød på Studentsamfunnet Driv.

Maria Tryti Vennerød (f. 1978) har vore fulltidsdramatikar sidan 2001. Ho har hatt tekstar oppført på m.a. Det Norske Teatret, Blackbox teater, Schaubühne i Berlin, Theatre for the New City i New York og Nasjonalteatret i Budapest. Hausten 2014 blei stykket Nasjonal Prøve lese på La Colinne i Paris.

Ho har vunne fleire prisar, og blei i 2012 nominert til Heddaprisen for scenebloggprosjektet Ikkje direkte råka. I 2013 bidrog ho til storsatsinga Bibelen på Det Norske Teatret, og i 2016 var ho bidragsytar til storproduksjon Andre verdskrigen – natt i verda, saman med verdskjende dramatikarar som David Greig og Lukas Bärfuss.

Scenetekstane hennar er også tilgjengeleg i bokform.

Poetikkseminaret er ei forelesingsrekke der gjestelærarar på Forfatterstudiet reflekterer rundt eigen skrivepraksis i ei uformell setting. Poetikkseminaret er gratis og opent for alle.

Litteraten er støtta av Tromsø kommune, Fritt ord og Norsk Forfattersentrums medlemsfond.

‍