Storebror vil leike og prate med vesle Søss. Det er ikkje så lett. Søss kan verken snakke eller leike. Men ein vinterdag i sauefjøset seier Søss sitt første ord, nemleg «BÆ». Bror trur ho skal lære seg fleire ord, men alt er visst BÆ! Korleis skal han få Søss til å snakke?

Alle dyr er BÆ er ei varm og sjarmerande biletbok om livet på ein gard gjennom eit år, og om ein storebror som vil lære veslesøster å snakke. Boka syner korleis vi gjennom erfaring og sansing blir del av språkfellesskapen.

Dette er det første samarbeidet mellom forfattar Ruth Lillegraven og illustratør Victoria Sandøy, begge prisvinnande og kritikarroste.

‍

Clara Lofthus lever eit tilbaketrekt liv saman med sambuaren Axel og tvillingsønene i Nairobi, der ho arbeider med bistand og utdanning. Etter eit brutalt terrorangrep, får ho massiv merksemd og blir heltinne i heimlandet. Ho bestemmer seg for å utnytte det til eigen fordel.Då ho blir tilbydd eit comeback som justisminister, etter fem år, er det rolege livet i Kenya ein saga blott. Etterkvart får ein nystarta podcast-redaksjon ferten av Clara og dei mørke hemmelegheitene hennar, og det går opp for Clara at det er altfor mange som veit noko om henne. I bakgrunnen spøkjer også mora som ho i alle år har sagt er død, og den tidlegare livvakta, Stian, som ho har betrudd seg til.Mitt neste liv er ein roman om gamle løyndomar, arvesynd, forsøk på å bygge eit nytt liv, og kva som skjer når fortida innhentar deg, men du likevel ikkje er villig til å gi opp.