KURSET ER FULLT. Det er mulig å sette seg på venteliste ved å fylle ut skjemaet under, så kontakter vi deg hvis det skulle bli et frafall i siste liten.

Skriv for livet. Skriv om livet, ditt eige eller andre sitt. Therese Tungen er forfattar og forlagsredaktør med mange års erfaring i å hjelpe andre å skrive, både skjønnlitterært og dokumentarisk. Dette kurset er for alle som har lyst til å utvikle eiga skriving, og vi vil fokusere særleg på det å bruke erfaringar frå eige liv. Vi har alle historier å fortelle, og her kan du lære metodar for å elte og forme dette stoffet. Ta med ein eller fleire idear og gjerne nokre sider tekst, og møt opp til ei helg med skriving, workshop og inspirasjon.

Therese Tungen (fødd 1977) har skrive to kritikarroste novellesamlingar og den sjølvbiografiske «Snu deg. Edvins bok». Tungen har mottatt Bjørnsonstipendet og vore nominert til Ungdommens kritikerpris og EUs litteraturpris. Ho har jobba som forlagsredaktør sidan 2007, med både skjønnlitteratur og sakprosa. Frå 2024 er ho rektor for Samlaget og Minotenk sin skriveskule.

Praktisk

Laurdag 16. og sundag 17. mars 2024
Tid: Laurdag 12–16. Sundag 12–15.
Sted: Litteraturhuset (Kverneland i 2. etasje)
Pris: kr 2000,- for 2 dagar. Kaffi og frukt er inkludert i prisen.

12 plassar

Bindande påmelding på skjemaet under. Du får beskjed om du har fått kursplass i ein eigen e-post etter at påmeldinga er registrert.