Norsk Faglitterær forfatter- og oversetterforening  og  Norsk Forfattersentrum Vestlandet arrangerer skrivekurs i essaystikk på Litteraturhuset i Bergen. Kurshaldar er Marit Eikemo.

Kurset er fullteikna

Marit Eikemo har skrive den kritikerroste essaysamlinga Samtidsruinar (2008), som blei kåra til årets nynorske bok av Dag og tid same år. Hennar første utgjeving var intervjuboka Her, no. Møte med unge menneske i 1999. Ho har jobba som journalist, ho har vore leiar for Litteratursymposiet i Odda og ho har gitt ut romanane Mellom oss sagt (2006), Arbeid pågår (2009) og Samtale ventar (2011), som ho fekk Nynorsk Litteraturpris for same år. I tillegg til forfattarskapen er Marit Eikemo forlagsredaktør på Vigmostad og Bjørke, og ho sit i styret til Norsk Faglitterær forfatter- og oversetterforening.

Kurset blir halde i Norsk Forfattersentrums lokaler i fjerde etasje på Litteraturhuset i Bergen frå kl 12.00-16.00 laurdag 30. mai og 12.00-16.00 søndag 31. mai.

Meld deg på med svar på oppgåva «Min veg,». Skriv med personleg tilnærming om ein veg du kjenner godt, og prøv samstundes å skildre samfunnsmessige og historiske sider ved vegen.

Teksten må ikkje overskride to a4-sider.

Påmelding til olaug@forfattersentrum.no innan 7. mai. Medlemmer i NFF og NF vil bli prioriterte, men alle interesserte er velkomne til å melde seg på. Pris: 800.- for medlemmer i NFF/NF, 1600.- for andre.

‍